News Summary
- नेपाली कांग्रेसले प्रतिनिधिसभा निर्वाचन परिणामपछि पहिलोपटक केन्द्रीय कार्यसम्पादन समितिको बैठक सानेपामा सुरु गरेको छ।
- बैठकमा समानुपातिक बन्दसूचीका उम्मेदवारमध्ये दलले प्राप्त सिट संख्याको आधारमा सदस्य छनोट गर्ने निर्णय गरिनेछ।
- कांग्रेसले चैत पहिलो सातासम्म केन्द्रीय कार्यसमिति बैठक बोलाउने तयारी गरेको छ।
१ चैत, काठमाडौं । नेपाली कांग्रेसले केन्द्रीय कार्यसम्पादन समितिको बैठक सुरु भएको छ ।
प्रतिनिधिसभा निर्वाचनको परिणाम सार्वजनिक भइसकेपछि पहिलोपटक कांग्रेस कार्यसम्पादन समिति बैठक बसेको हो ।
समानुपातिक बन्दसूचीमा रहेका उम्मेदवारहरूमध्ये दलले प्राप्त गरेको सिट संख्याको आधारमा प्रतिनिधिसभा सदस्य छनोटका लागि बैठक बसेको हो ।
बैठक केन्द्रीय कार्यालय सानेपामा जारी छ ।
कांग्रेसले चैत पहिलो सातासम्म केन्द्रीय कार्यसमिति बैठक पनि बोलाउने तयारी गरेको पनि बताइएको छ ।
