रास्वपा उम्मेदवार किशोरी साहको अन्तरिम आदेशको माग सर्वोच्चद्वारा अस्वीकार

तर गणनास्थलमा रहेका रास्वपाका प्रतिनिधिले किशोरी साहलाई नै सबैभन्दा धेरै मत परेको बताएका विवरणहरू आएका थिए।

कम्तीमा अब अदालतबाट अन्तिम फैसला नहुँदासम्म मातृका यादवलाई निर्वाचित घोषणा गर्ने निर्वाचन आयोगको निर्णय हाललाई कायम रहने विज्ञहरूको भनाइ छ।

यससँगै निर्वाचन आयोगलाई चुनावी प्रतिवेदन राष्ट्रपतिसमक्ष बुझाउन हुनसक्ने सम्भावित ढिलाइबारेको अन्योल पनि अन्त्य भएको जानकारहरू बताउँछन्।

निर्वाचन आयोग ऐन २०७४ को दफा १३ बमोजिम उनको उम्मेदवारी खारेज भएको आयोगले जनाएको थियो।

उक्त दफामा उम्मेदवारको अयोग्यतासम्बन्धी प्रावधान छ।

उक्त दफाको उपदफा ‘ज’मा “प्रचलित कानुनबमोजिम कालोसूचीमा रहेकोमा सो अवधिभर” उम्मेदवार अयोग्य हुने व्यवस्था छ।

साह ब्याङ्कको कालोसूचीमा रहेको भन्दै उजुरी परेको र त्यसबारे छानबिन गर्दा उक्त दाबी पुष्टि भएको आयोगको भनाइ थियो।

त्यसैले उनको उम्मेदवारी खारेज भएको आयोगले जनाएको थियो।

तर सर्वोच्च अदालतले गत साता उनलाई त्यस्तो कालो सूचीमा नराख्न आदेश दिएको थियो।

बीबीसी न्यूज नेपाली यूट्यूबमा पनि छ। हाम्रो च्यानल सब्स्क्राइब गर्न तथा प्रकाशित भिडिओहरू हेर्न यहाँ क्लिक गर्नुहोस्। तपाईँ फेसबुक, इन्स्टाग्राम र ट्विटरमा पनि हाम्रा सामग्री हेर्न सक्नुहुन्छ। अनि बीबीसी नेपाली सेवाको कार्यक्रम बेलुकी पौने नौ बजे रेडिओमा सोमवारदेखि शुक्रवारसम्म सुन्न सक्नुहुन्छ।