सी जिन्पिङ: नेपालमा चिनियाँ राष्ट्रपतिको पुस्तक जलाइएको घटनाको छानबिन सुरु

विश्वविद्यालय स्थापना हुनु पूर्व मनमोहन प्रतिष्ठान सञ्चालनमा थियो र त्यहाँ पुस्तकहरू आएको प्रशासनले जनाएको छ।

“करिब ९-१० वर्षअघि त्यो प्रतिष्ठानमा भरतमोहन अधिकारीहरू थिए, ती पुस्तकहरू त्यहीँबाट आएका हुन सक्दछन्,” मुख्य अधिकृत भुर्तेलले बताए।

उक्त पुस्तकहरू पुराना कम्युनिष्ट नेताका नाममा स्थापना प्रतिष्ठानलाई उपहार स्वरूप प्राप्त भएको अधिकारीहरूको भनाइ छ।

प्रतिष्ठानले बाँडेपछि बाँकी पुस्तकहरू विश्वविद्यालय प्रशासनमा रहेको छ। आन्तरिक छानबिन प्रतिवेदनमा हजारौं प्रति अझै उपलब्ध रहेको बताएका छन्।

“अझै १० देखि १२ हजारभन्दा बढी पुस्तकहरू हाम्रै छन्,” भुर्तेलले भने।

चिनियाँ दूतावासले परराष्ट्र मन्त्रालयमार्फत् चीनको शासनबारे लिखित पुस्तक जलाएका विषयमा आपत्ति जनाउँदै कानुनी कारबाहीको माग गरेको अधिकारीहरूले बताए।

परराष्ट्र मन्त्रालयले पनि विषयलाई गृह मन्त्रालयमा पठाएर ध्यानाकर्षण गराएको थियो।

गृहमन्त्री ओमप्रकाश अर्यालले घटनाको छानबिन गरी दोषीलाई कारबाही गर्न निर्देशन दिएका छन् भनी मन्त्रालयका प्रवक्ता आनन्द काफ्लेले जानकारी दिए।

“सत्य तथ्य पत्ता लगाएर दोषीलाई कानुनी कारबाही गर्ने निर्देशन गृह मन्त्रालयले दिएको छ,” काफ्लेले भने।

जिल्ला प्रशासन कार्यालयले छानबिन समिति गठन गरिसकेको छ भनी कट्टेलले पुष्टि गरे।

“राष्ट्रिय राजधानी नै हो, त्यसमा छिमेकी राष्ट्रप्रमुखको पुस्तक नियोजित रूपमा जलाइएको भन्ने कुनै प्रमाण प्रारम्भिक छानबिनमा देखिएको छैन। कसरी यस्तो भयो भन्ने विषयमा आफैं पनि छानबिन भइरहेका छन्,” कट्टेलले भने।

क्याम्पसले सफाई तथा नचाहिने सामान हटाउने निर्णय कानुनी रुपमा गरेकाले पुस्तक जलाउने घटना नियोजित नभएको ठहर गरिएको छ।