काबुलस्थित लागुपदार्थ दुर्व्यसन उपचार केन्द्रमा घातक हवाई हमला, पाकिस्तानमाथि आरोप

अफगानिस्तानमा अमेरिकी युद्धका समयमा पश्चिमी देशलाई सहयोग गरेपछि तालिबान र पाकिस्तानबीच द्वन्द्वको स्थिति छ।

गत वर्ष अप्रिलमा पाकिस्तानले आफ्ना देशमा रहेका अफगान शरणार्थीलाई देश निकाला गर्ने आदेश दिएपछि तनाव अझ बढेको हो।

पाकिस्तानले अवैध रूपमा बसिरहेका अफगानहरूलाई निष्कासन गर्ने अभियान तीव्र पार्ने बताएपछि लाखौं अफगान शरणार्थीहरू फिर्ता भएका छन्।

अफगानिस्तानको सिमानासँग जोडिएको बलोचिस्तान प्रदेशमा पाकिस्तान सरकारविरुद्ध विद्रोही गुटहरू जादै सुरक्षाकर्मीमाथि हमला गर्दैछन्। पाकिस्तानले ती हमला गर्नेहरूलाई अफगानिस्तानले संरक्षण गरेको आरोप लगाउँछ।

बीबीसीका पश्तो संवाददाता दाउद अजमी भन्छन्, “अफगानिस्तानमाथि पाकिस्तानी आक्रमण नयाँ कुरा होइन। पाकिस्तानले २०२२ अप्रिलमा पहिलो हवाई हमला गरेको र त्यसपछि वार्षिक रुपमा २-३ वा बढी हमलाहरू गरिरहेको छ।”

गत वर्ष अक्टोबरमा काबुलमा हवाई हमला भएको थियो र अफगानिस्तानले उक्त हमला पाकिस्तानको भएको दाबी गर्दै जवाफ दिने बताएको थियो।

त्यसै महिनामा तालिबान सरकारका विदेशमन्त्री अमिर खान मुत्तकी भारत भ्रमणमा रहँदा सीमा क्षेत्रमा झडपको खबर आएको थियो।

पाकिस्तानी सुरक्षा अधिकारीहरूले अफगानिस्तानले छ स्थानमा गोला बारुद्ध गरेको दाबी गरेका थिए।

तालिबान रक्षा मन्त्रालयले आफ्ना सैनिकहरूले प्रतिकार गरेको जनाएको थियो। तनाव बढेपछि साउदी अरब र खाडी राष्ट्रहरूले दुई पक्षबीच मध्यस्थता गर्न प्रयास गरेका छन्।

अक्टोबर २०२५ मा कान्दहारको स्पिन बोल्डकमा पाकिस्तानी र तालिबानी सैनिकबीच झडप हुँदा १२ अफगान सर्वसाधारणको मृत्यु र १०० भन्दा बढी घाइते भएका थिए। अफगान सरकारले कैयौं पाकिस्तानी सैनिकहरूको पनि हताहत भएको दाबी गरेको थियो।

केही दिनपछि कतारको मध्यस्थतामा १९ अक्टोबरमा दुवै पक्षले सङ्घर्षविराम र वार्ताको सहमति गर्यो।

तर केही महिनापछि दुई पक्षबीच झडप फेरि जारी छ।