समाचार सारांश
संपादकीय समीक्षा पश्चात तयार।
- रेसुङ्गा नगरपालिकाले धार्मिक तथा पर्यटकीय महत्व बोकेको रेसुङ्गा क्षेत्रको प्राकृतिक सौन्दर्य संरक्षण गर्न सबैलाई आग्रह गरेको छ।
- नगरपालिकाका प्रमुख प्रशासक अधिकृत बाबुराम पल्लीले आगन्तुकहरूले लालीगुराँस र अन्य वनस्पतिमा हानी पुर्याउने बढ्दो समस्या औँल्याएका छन्।
- नगरपालिकाले धार्मिक, ऐतिहासिक र पर्यटकीय महत्व कायम राख्न नागरिक र पर्यटकलाई संरक्षणमा सहयोग गर्न अपिल गरेको छ।
४ चैत, गुल्मी । रेसुङ्गा नगरपालिकाले धार्मिक तथा पर्यटकीय महत्व बोकेको रेसुङ्गा क्षेत्रको प्राकृतिक सौन्दर्यलाई जोगाउन सबैमा अनुरोध गरेको छ ।
नगरपालिकाका प्रमुख प्रशासक अधिकृत बाबुराम पल्लीले जारी गरेको सूचनामा पछिल्लो समयमा विभिन्न क्षेत्रबाट भ्रमणमा आउने आगन्तुक र पर्यटकहरूले रेसुङ्गा क्षेत्रका लालीगुराँस लगायत वनस्पतिहरूमा क्षति पुर्याउने कार्य बढेको गुनासो आएको उल्लेख गरेका छन् ।
यसले क्षेत्रको प्राकृतिक सुन्दरतामा कमी आएको साथै वातावरणीय सन्तुलनमा नकारात्मक प्रभाव परेको बताइएको छ ।
नगरपालिकाले यस्तो कार्य नगर्न सबै नागरिक र पर्यटकहरूलाई अपिल गर्दै रेसुङ्गाको धार्मिक, ऐतिहासिक र पर्यटकीय महत्व संरक्षण गर्न सहयोग गर्न आग्रह गरेको छ।
यस सम्बन्धमा सरोकारवाला निकाय र सर्वसाधारणबाट समेत संरक्षणमा सहयोग अपेक्षा गरिएको छ। अहिले रेसुङ्गा क्षेत्रमा लालीगुराँस फुलेर रमणीय रूपमा परिणत भएको छ, जसले गर्दा विभिन्न ठाउँहरूबाट मानिसहरू रेसुङ्गा आउने गरेका छन्।
