नयाँ सांसदहरूलाई स्वागत गर्न पर्खिरहेको संसद्का कुर्सीहरू (तस्बिरहरू)

४ चैत, काठमाडौं। भोलि (बिहीबार) समानुपातिकतर्फका सांसदलाई प्रमाणपत्र प्रदान गरिनेछ। सोही दिन निर्वाचन आयोगले राष्ट्रपति रामचन्द्र पौडेललाई निर्वाचन प्रतिवेदन पनि बुझाउनेछ। फागुन २१ गते सम्पन्न प्रतिनिधिसभाका निर्वाचित सांसदहरूको शपथ चैत १२ गते लिनु पर्नेछ।

सिंहदरबारभित्र निर्माणाधीन नयाँ संसद् भवन अझै पूर्ण रूपमा समाप्त भएको छैन। नयाँ संसद् भवनले पूर्णता नपाउँदा अस्थायी हल तयार पारेर शपथ ग्रहण गराइँदैछ।

हाल संसद् सचिवालयले हलमा कुर्सीहरू मिलाउने, बत्ती तथा माइक जडान गर्ने काम गरिरहेको जनाएको छ।

भदौ २३ र २४ गते भएको जनजीवन आन्दोलनको क्रममा पुरानो संघीय संसद् भवन पूर्ण रूपमा ध्वस्त भएको थियो। त्यसपछि शपथ ग्रहणको लागि सिंहदरबारभित्रै वैकल्पिक व्यवस्था मिलाइएको हो।