बालेन शाह : प्रधानमन्त्री पदका लागि उम्मेदवार भनिएका रास्वपा वरिष्ठ नेताले के गरिरहनुभएको छ?

“उहाँ अस्वस्थ वा अन्यत्र व्यस्त हुन सक्छन् भने पनि निर्वाचित सांसदहरूलाई सामाजिक सञ्जालबाट शुभकामना दिन सकिन्छ वा आउन नसकेको कारण भन्न सकिन्छ। त्योन्द्रीय एकदमै आवश्यक पर्छ भनेर होइन,” उनले भनिन्, “यो कर्मचारीले काम गर्छन् र हाकिम हराउँछन् भन्ने स्थिति अलि सामन्ती हुन गइरहेछ।”

बालेन नजिक मानिने रास्वपाकै एक नवनिर्वाचित सांसदले भने उक्त कार्यक्रममा बालेनलाई सहभागी गराउने तालिका नै नभएको दाबी गरेका छन्।

“उनले आउने भनिएको थिएन,” ती सांसदले भने, “व्यस्तता फरक-फरक हुनु स्वाभाविक हो। उहाँ सरकारको नेतृत्व गर्ने तयारीमा व्यस्त हुनुहुन्छ।”

निर्वाचन आयोगले फागुन २१ गते सम्पन्न निर्वाचनमा समानुपातिक प्रणालीबाट निर्वाचित सांसदहरूलाई बिहीबार प्रमाणपत्र प्रदान गरेको छ र समग्र निर्वाचन प्रतिवेदन पनि राष्ट्रपति रामचन्द्र पौडेललाई बुझाएको छ।

उनीहरूको पार्टी रास्वपाले २७५ सदस्यीय प्रतिनिधिसभामा प्रत्यक्ष र समानुपातिक दुवै प्रणालीमा गरी कुल १८२ सीट जितेको छ।

निर्वाचन आयोगले राष्ट्रपति कार्यालयलाई प्रतिवेदन बुझाएपछि सरकार गठन प्रक्रिया अघि बढ्नेछ।

राष्ट्रपति कार्यालयका प्रवक्ता रितेशकुमार शाक्यले बीबीसीसँग भने, “यो प्रतिवेदन सङ्घीय संसद्मा पनि पठाइन्छ। हामी संसद्का महासचिवसँग विशेष सल्लाह गरेर प्रक्रिया अघि बढाउनेछौं।”

सङ्घीय संसद्का महासचिव पद्मप्रसाद पाण्डेयले आयोगको प्रतिवेदन प्राप्त भइसकेको र चैत १२ गते शपथ ग्रहण कार्यक्रम तय भएको बताए।

“चैत १२ गते दिउँसो २ बजे शपथ गराउने गरी सूचना जारी गर्दैछौँ,” उनले भने।