‘मितज्यू’ एकसाता अघि आउने, ८ जेठलाई प्रदर्शन तय –

काठमाडौं । दयाहाङ राई, सौगात मल्ल, तेरिया मगर स्टारर फिल्म ‘मितज्यू’ ले नयाँ प्रदर्शन मिति घोषणा गरेको छ । पूर्वनिर्धारित १५ जेठभन्दा यो फिल्म एक साता अगावै आउन लागेको हो ।

८ जेठदेखि यो फिल्म रिलिज हुनेछ ।

अनिल मगर निर्देशित यो फिल्म डान्सर तेरियाको डेब्यू प्रोजेक्ट हो । पुस्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुनमगर, उत्तम पाण्डे, सविन कट्टेल, उमेश सोनाम, पवित्रा खड्का, चाहना मगर, अनुशा राई, खड्गबहादुर पुन मगरको अभिनय छ ।

यो फिल्मको लगानीकर्ता जनक घर्ती मगर हुन् । जीएम मुभिज प्रोडक्सनको ब्यानरमा फिल्म निर्माण भएको हो ।