काठमाडौं प्रहरीद्वारा भनाइ – ओली र लेखकविरुद्ध अनुसन्धान प्रगति क्रममा

१ वैशाख, काठमाडौं । जिल्ला प्रहरी परिसर काठमाडौंले दर्ता भएका र अनुसन्धानअन्तर्गत रहेका घटनासँग सम्बन्धित भ्रामक र अप्रमाणित सूचना सिर्जना गरी प्रसारण वा प्रकाशन नगर्न अनुरोध गरेको छ। परिसरका प्रवक्ता प्रहरी उपरीक्षक पवनकुमार भट्टराईले जानकारी दिएका हुन् कि दर्ता भएका ज्यानसम्बन्धी कसूरमा पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकविरुद्ध सर्वोच्च अदालतको परमादेश र जिल्ला सरकारी वकिल कार्यालय काठमाडौंको निर्देशनअनुसार अनुसन्धान जारी छ। उनीहरू जमानीमा रिहा भएर अनुसन्धान भईरहेको रहेकाले यस विषयमा भ्रामक सूचना सिर्जना र प्रसारण नगर्न सबैमा अनुरोध गरिएको छ।
उहाँले आजै एक विज्ञप्ति जारी गर्दै एक युट्युब च्यानलमा प्रकाशित श्रव्यदृश्य सामग्रीमा व्यक्त धारणा र सूचनाप्रति ध्यानाकर्षण भएको उल्लेख गर्नुभयो। ‘स्वतन्त्र, विधिसम्मत तथा सरकारी वकिल कार्यालय, काठमाडौंको कानुनी सल्लाहमा अनुसन्धान भइरहेकाले जिम्मेवार प्रहरी अधिकारीलाई जोडेर अनर्गल र भ्रामक सूचना प्रसार गर्दा जनता माझ गलत जानकारी फैलिने भएकाले भ्रामक, अप्रमाणित सूचना सिर्जना एवं प्रसारण/प्रकाशन नगर्न सम्बन्धित सबैमा हार्दिक अनुरोध गरिन्छ,’ विज्ञप्तिमा भनिएको छ।