रवि बोपाराले चितवन राइनोजबाट लगातार तेस्रो सिजन खेल्ने गरि पुष्टि गरे
इङ्ल्यान्डका पूर्व राष्ट्रिय क्रिकेटर रवि बोपाराले नेपाल प्रिमियर लिग (एनपीएल) को तेस्रो संस्करणमा पनि चितवन राइनोजबाट खेल्ने आफ्नो प्रतिबद्धता पुनः पुष्टि गरेका छन्। चितवन राइनोजले सामाजिक सञ्जालमार्फत ४१ वर्षीय अलराउण्डर बोपारालाई लगातार तेस्रो पटक आफ्नो टोलीमा अनुबन्ध गरिएको घोषणा गरेको छ।
बोपाराले विभिन्न फ्रेन्चाइज लिगहरूमा व्यापक अनुभव प्राप्त गरेका छन् र उनले ४९४ टी२० खेलहरूमा ९,९४८ रन बनाएका छन् साथै २९२ विकेट लिएका छन्। २२ साउन, काठमाडौं। चितवन टोलीले बोपाराले लगातार तेस्रो संस्करणमा खेल्ने तथा आफ्नो टीममा रहने जानकारी सार्वजनिक गरेको हो।
४१ वर्षीय अनुभवी ब्याट्सम्यान तथा अलराउण्डर बोपाराले इङ्ल्यान्डका लागि १३ टेस्ट, १२० एकदिवसीय अन्तर्राष्ट्रिय (ओडिआई) र ३८ टी२० आई खेलिसकेका छन्। उनी ओपनिङ र मिड्ल अर्डर दुवै स्थानमा ब्याटिङ गर्न सक्षम खेलाडी मानिन्छन्। दायाँ हातले ब्याटिङ गर्ने उनले आफ्नो करियरमा कुल ४९४ टी२० खेलहरूमा ९,९४८ रन बनाए र २९२ विकेट लिए।
बोपाराले पहिलो सिजनमा एनपीएलमा दोस्रो सर्वाधिक रन गर्ने खेलाडीको रूपमा उत्कृष्ट प्रदर्शन गरेका थिए। दोस्रो संस्करणमा भने ७ खेलमा २३७ रन बनाएर सर्वाधिक रन बनाउनेलाई क्रममा छैटौँ स्थानमा रहेका थिए। उनी इङ्ल्यान्ड राष्ट्रिय टिम बाहेक आईपीएल, बीबीएल, पिएसएल, सीपीएल, एलपीएल लगायत विश्वका थुप्रै फ्रेन्चाइज टी२० लिगहरूमा चम्किएका छन्। विशेषगरी भाइटालिटी टी-२० ब्लास्ट र द हन्ड्रेड लिगहरूमा उनले पाँच हजारभन्दा बढी रन बनाएका छन्।