१२ असोज, काठमाडौं । २०औं एसियन गेम्सअन्तर्गत महिला ५ हजार मिटर दौडमा नेपालका सन्तोषी श्रेष्ठ र पूर्णलक्ष्मी न्यौपानेले निराशाजनक प्रदर्शन गरेका छन्। जापानको नागोया सिटी मिजुहो पार्क एथलेटिक रंगशालामा भएको महिला ५ हजार मिटर दौडमा सन्तोषी र पूर्णलक्ष्मी सबैभन्दा अन्तिममा रहे। १२ जना सहभागी भएकोमा पूर्णलक्ष्मी ११औं र सन्तोषी १२औं स्थानमा रहे। निर्धारित दूरी पूर्णलक्ष्मीले १७ मिनेट ०.६० सेकेण्डमा पूरा गरिन्। सन्तोषीले १७ मिनेट ५३.१७ सेकेण्डमा पूरा गरिन्। बहराइनकी विनफ्रेड यावीले १५ मिनेट १०.१८ सेकेण्डमा पूरा गर्दै स्वर्ण पदक जितिन्। जापानकी नोजोमी तानाकाले १५ मिनेट ११.६५ सेकेण्डमा पूरा गर्दै रजत पदक तथा भारतकी पारुल चौधरीले १५ मिनेट १४.६१ सेकेण्डमा पूरा गर्दै कास्य पदक जितिन्।
