अमेरिकाले भन्यो– हुथी आक्रमणविरुद्ध साउदी अरबलाई आत्मरक्षा गर्ने पूर्ण अधिकार छ

अमेरिकी विदेशमन्त्री मार्को रुबियोले हुथी विद्रोहीहरूको आक्रमणविरुद्ध साउदी अरबलाई आत्मरक्षा गर्ने पूर्ण अधिकार भएको बताएका छन्। मेरील्यान्डस्थित संयुक्त सैन्य बेस एर्न्ड्युजमा सञ्चारकर्मीसँग कुराकानी गर्दै रुबियोले यस विषयमा धारणा राखेका हुन्। ‘स्पष्ट रूपमा साउदीहरू हुथीहरूको आक्रमणको शिकार भएका छन्, र उनीहरूसँग आफ्नो सुरक्षा गर्नको लागि अधिकार छ,’ रुबियोले भने।

रुबियोले थप स्पष्ट पारे कि साउदी अरब र अन्तर्राष्ट्रिय मान्यता प्राप्त यमन सरकार दुवैले उक्त क्षेत्रमा हुथीहरूको नियन्त्रणलाई समर्थन नगरेको दाबी पनि उनले गरे। उनले अमेरिका र साउदी अरबबीच प्रतिबद्ध सुरक्षा सम्झौता रहेको उल्लेख गर्दै अमेरिकाले त्यसको पालनामा प्रतिबद्ध रहेको जानकारी दिएका छन्।