सुनसरीको बर्जु गाउँपालिकाका दुई स्थानहरूबाट आइतबार प्रहरीले ३ लाख ६२ हजार २ सय १५ रुपैयाँ मूल्यबराबर भन्सार छल गरी ल्याइएको सामान बरामद गरेको छ। बर्जु–१ दुर्गामन्दिर नजिकबाट १ लाख ४३ हजार २ सय २५ रुपैयाँ मूल्यका लत्ताकपडा सहित सिटी सफारी नियन्त्रणमा लिइएको छ। बर्जु–६ जानकी चोकबाट २ लाख १९ हजार रुपैयाँ मूल्यका भन्सार छल गरेका वस्तु बरामद गरी दुहवीस्थित इलाका प्रहरी कार्यालयमा राखिएको छ। ३१ साउन, सुनसरी।
सुनसरीको सीमावर्ती क्षेत्रमा पर्ने बर्जु गाउँपालिकाका दुई स्थानबाट आइतबार प्रहरीले कुल ३ लाख ६२ हजार २ सय १५ रुपैयाँ मूल्यबराबरका भन्सार छल गरी ल्याइएको सामान बरामद गरेको छ। इनरुवा जिल्ला प्रहरी कार्यालयका अनुसार, बर्जु–१ दुर्गामन्दिर नजिक १ लाख ४३ हजार २ सय २५ रुपैयाँ मूल्यका लत्ताकपडा सहित प्र १–०२–००५ ह ०८५१ नम्बरको सिटी सफारी नियन्त्रणमा आएको हो। त्यस्तै, बर्जु–६ जानकी चोकबाट २ लाख १९ हजार रुपैयाँ बराबरका भन्सार छल गरी ल्याएका वस्तु बरामद गरिएको जिल्ला प्रहरी कार्यालयले जनाएको छ। बरामद गरिएका सामग्री र सिटी सफारी दुहवी नगरपालिकास्थित इलाका प्रहरी कार्यालयमा राखिएका छन्।
