आर्सनलले म्यानचेस्टर सिटीलाई ३–० गोलको फरकले पराजित गर्दै २०२६ को एफए कम्युनिटी शिल्डको उपाधि जितेको छ। कार्डिफमा सम्पन्न खेलमा रिकार्डो कालाफिओरी, काइ हाभेर्ट्ज र मार्टिन ओडेगार्डले आर्सनलका लागि गोल गर्दै टोलीलाई विजयी बनाइदिए। आर्सनलले प्रिमियर लिग बाहेक पछिल्ला चार महिनामा दोस्रो ट्रफीको रुपमा कुल १८औं पटक कम्युनिटी शिल्ड आफ्नो नाममा गरेको छ।
म्यानचेस्टर सिटीलाई ३–० ले हराउँदै आर्सनलले २०२६ को एफए कम्युनिटी शिल्डको उपाधि हात पारेको हो। प्रिमियर लिग च्याम्पियन आर्सनलले एफए कप विजेता सिटीमाथि प्रभावशाली जीत निकाल्दै चार महिनाभित्र दोस्रो उपाधि आफ्नो नाम गराएको छ। कार्डिफस्थित प्रिन्सिपालिटी स्टेडियममा भएको खेलमा आर्सनलले सुरुवातमै २३ सेकेन्डमा अग्रता बनाएको थियो। माइल्स लुइस–स्केलीको पासमा रिकार्डो कालाफिओरीले गोल गर्दै टोलीलाई अगाडि बढाए।
खेलको २८औं मिनेटमा काइ हाभेर्ट्जले हेडमार्फत गोल गर्दै आर्सनलको अग्रता दोब्बर बनायो। नयाँ खेलाडी क्रिस्टोस त्जोलिसले मार्टिन ओडेगार्डको क्रसलाई गोलमा परिणत गरेपछि हाभेर्ट्जले बललाई जाली चुमाएका थिए। दोस्रो हाफको सुरूवातको तीन मिनेटमै आर्सनलले तेस्रो गोल थप्यो। त्जोलिसको पासमा ओडेगार्डले सिटीका गोलरक्षक जियानलुइगी डोनारुम्मालाई प्रभावकारी तरिकाले छल्दै गोल गरे।
दुई असिस्टसहित त्जोलिसले आर्सनलको जितमा महत्वपूर्ण भूमिका खेले। क्लब ब्रुगबाट यसै गर्मीमा ३४ मिलियन पाउन्डमा आर्सनलमा आएका २४ वर्षीय त्जोलिसले गत सिजन बेल्जियन क्लबका लागि १७ गोल र २३ असिस्ट गरेका थिए। सिटीले केही अवसरहरू बनाएको भए पनि आर्सनलको रक्षापंक्ति तोड्न सकेन। पहिलो हाफको अन्त्यमा ओडेगार्डको प्रहार जोस्को ग्भार्डियोलले गोल लाइनबाट क्लियर गरे। दोस्रो हाफमा बुकायो साकाले पनि उत्कृष्ट अवसर पाए पनि गोल गर्न सकेनन्।
आर्सनलका लागि यो समग्रमा १८औं कम्युनिटी शिल्ड उपाधि हो। टोलीले पछिल्ला चार महिनामा प्रिमियर लिग उपाधि जितेपछि दोस्रो ट्रफी पनि आफ्नो नाममा गरेको छ। यस वर्षको कम्युनिटी शिल्ड कार्डिफमा खेलाइएको हो किनभने वेम्बलीमा ‘द विकेन्ड’ को ‘आफ्टर आवर्स टिल डन’ टुर आयोजना भइरहेको छ।
