जापानी राजदूत अकिरा मुटोले रुसी विदेश मन्त्रालयमा २५ मिनेट बिताएपछि कुनै प्रतिक्रिया नदिई बाहिरिएका छन्। रूसी राष्ट्रपति भ्लादिमिर पुटिनको कुरिल टापु भ्रमणको विरोध गरेपछि रुसी विदेश मन्त्रालयले जापानी राजदूतलाई बोलाएको थियो। २ भदौ, काठमाडौं।
रूसी विदेश मन्त्रालयकी प्रवक्ता मारिया जाखारोभाले मुटोको स्वास्थ्यमा सुधार आएपछि उनले मन्त्रालयमा उपस्थित भएको बताइन्। टोकियोले पुटिनको इटुरुप भ्रमणको विरोध जनाएको थियो। सो विरोधका कारण रुसी विदेश मन्त्रालयले जापानी राजदूतलाई बोलाएको हो।
टासका पत्रकारले राखेका प्रश्नमा रुसी विदेश मन्त्री सर्गेई लाभरोभले सुरुमा जापानी दूतावासले अन्योल गरेको बताए। दूतावासले कुनै स्पष्ट कारण नदिई अगस्ट १४ वा १७ मा राजदूत मन्त्रालय आउन नसक्ने बताएका थिए। जाखारोभाले लाभरोभको टिप्पणीपछि मुटोको ‘अचानक स्वास्थ्यमा सुधार’ भई अगस्ट १८ मा आउन निर्णय गरेको जानकारी दिइन्।
