एल निन्यो प्रभावले चिलीको आटाकामा मरुभूमिमा वर्षापछि फूल फुले
एल निन्योको प्रभावले आएको भारी वर्षापछि चिलीको आटाकाम मरुभूमिमा विविध प्रकारका फूल फुलेका छन्। पृथ्वीको सबैभन्दा सुक्खा क्षेत्रमा गनिने यो मरुभूमि अद्भुत रूपमा हराभरा देखिन थालेको छ।
आटाकाम मरुभूमि उत्तर चिलीमा अवस्थित छ र यो एन्डीज पर्वतशृङ्खला र प्रशान्त महासागरको बीचमा फैलिएको छ। यहाँका बीउ र कन्द वर्षौंदेखि निष्क्रिय अवस्थामा रहेका थिए, तर पर्याप्त वर्षाले जीवन्त भएर रंगीन फूलहरूले यो मरुभूमि सुशोभित भएको छ।
