१३ असोज, काठमाडौं । २०औं एसियन गेम्स अन्तर्गत पुरुष क्रिकेटको चौथो क्वार्टरफाइनल खेल पनि निरन्तर वर्षाका कारण रद्द भएको छ । बंगलादेश र मलेसियाबीच निर्धारित क्वार्टरफाइनल खेल रद्द भएको कुरा एसियन गेम्सको आधिकारिक वेबसाइटमा उपलब्ध खेल सूचीमा उल्लेख गरिएको छ । यसअघि आज बिहान श्रीलंका र नेपालबीच हुने खेल पनि वर्षाका कारण रद्द भएको थियो । मलेसियाका खेलाडी विरानदीप सिंहले सामाजिक सञ्जालमार्फत ३ घण्टा अगाडि नै खेल रद्द भएको जानकारी प्राप्त भएको बताएका छन् । यससँगै बंगलादेश वरीयताका आधारमा सोझै सेमिफाइनलमा प्रवेश गरेको छ । यसअघि पाकिस्तान र हङकङ, भारत र अफगानिस्तान तथा श्रीलंका र नेपालबीचका खेलहरू पनि वर्षाका कारण रद्द भईसकेका थिए । ती चार टोलीहरू वरीयताका आधारमा क्वार्टरफाइनलमा स्थान पाएका थिए रअब वरीयताका आधारमा नै सेमिफाइनलमा पनि पुगेका छन् । नेपाल र अफगानिस्तान समूह ‘ए’ बाट, तथा मलेसिया र हङकङ समूह ‘बी’ बाट क्वार्टरफाइनलमा पुगेका थिए ।
