१३ असोज, काठमाडौं । २०औं एसियन गेम्स अन्तर्गत आर्चरीमा नेपालको तिलक पुनमगर र ज्ञानु अवाले प्रतिस्पर्धाबाट बाहिरिएका छन् । जापानको ओकाजाकी चुओ सोगो पार्क बहुउद्देश्यीय हलमा सम्पन्न खेलमा रिकर्भ पुरुष सिंगलतर्फ नेपालका तिलक कतारका अहमद अल–सादासँग ६-२ ले पराजित भएका छन् । तिलकले एक राउन्डमा मात्र अहमदलाई पछि पार्न सकेका थिए।
रिकर्भ महिला सिंगलतर्फ नेपालको ज्ञानु कतारकी रिम अल–साईसँग ७–१ ले पराजित भइन्। उनी दोस्रो राउन्डमा बराबरी गर्दै एक अंक जोडेकी थिइन्। यसअघि तिलक र ज्ञानुको जोडी रिकर्भ मिक्स्ड टिम इभेन्टबाट पनि बाहिरिसकेको थियो। उनीहरू युएईका आयशा आलाली र खलिफा अल्काबीको जोडीसँग ६–२ ले पराजित भएका थिए। यससँगै आर्चरीमा नेपालको चुनौती समाप्त भएको छ।
