१९ असोज, काठमाडौं । सर्बियन टेनिस स्टार नोभाक जोकोभिचले चीन ओपन टेनिस प्रतियोगिताको फाइनलमा स्थान सुनिश्चित गरेका छन् । सोमबार सम्पन्न सेमिफाइनलमा उनले रुसका डानिल मेदभेदेवलाई २-० सेटको सहज जितसहित पराजित गर्दै ३९ वर्षका जोकोभिच उपाधि नजिक पुगेका हुन् । जोकोभिचले पहिलो सेट ७-५ ले जितेका थिए । दोस्रो सेटमा ५-३ को स्थितिमा म्याच जित्न सर्भ गर्दै गर्दा स्कोर १५-१५ थियो । त्यहि क्रममा मेदभेदेवले आउट भएको बललाई अनायास प्रहार गरेका थिए, जसले एक दर्शकको आँखामा चोट पुर्यायो । त्यसपछि मेदभेदेवलाई डिस्क्वालिफाइ गरियो र त्यसै कारण जोकोभिच फाइनलमा अघि बढे । फाइनलमा जोकोभिचले अस्ट्रेलियाका एलेक्स डे मिनोरसँग प्रतिस्पर्धा गर्नेछन् । यो टेनिस प्रतियोगिता एटीपी मास्टर्स ५०० श्रेणीमा पर्दछ । जोकोभिचले यस प्रतियोगिता छ पटक जितिसकेका छन् र अन्तिम पटक सन् २०१५ मा राफाएल नाडाललाई पराजित गर्दै उपाधि हात पारेका थिए ।
