रुसी राष्ट्रपति भ्लादिमिर पुटिन र इरानका राष्ट्रपति मसुद पेजेस्कियनबीच फोनमा संवाद भएको छ। वार्ताको क्रममा दुवै नेताले रणनीतिक सहकार्यलाई अझ सुदृढ बनाउने विषयमा छलफल गरेका छन् भने इरानी राष्ट्रपतिको कार्यालयले यो जानकारी दिएको छ। पेजेस्कियनले पुटिनलाई उनको जन्मदिनको अवसरमा शुभकामना पनि दिएका थिए।
वार्तामा, पुटिनले तेहरान र मस्कोबीच भएको व्यापक रणनीतिक साझेदारी सन्धि अनुसार सहयोगका विभिन्न क्षेत्रमा भइरहेका हालका घटनाक्रम र परिस्थिति बाबजुद निरन्तर अगाडि बढिरहेको बताएका छन्। केही देशहरूले तनाव कम गर्ने र मध्यस्थता गर्ने प्रयास गरिरहेका विषयमा पनि उनले चर्चा गरेका थिए। रूसले यस्ता कूटनीतिक पहलहरूलाई समर्थन गर्ने उल्लेख गर्दै, पुटिनले ‘इरानी मित्रहरू मस्कोलाई सहयोग गर्न तयार रहेकोमा विश्वस्त हुनसक्ने’ बताएका छन्। साथै, अमेरिका र इजरायलबाट भइरहेको आक्रमणको सामना गरिरहेको इरानले प्रदर्शन गरेको साहसप्रति पनि पुटिनले प्रशंसा गरेका छन्।
