ट्रम्पले दाबी गरे आठ युद्ध समाप्त पारेर नोबेल शान्ति पुरस्कार पाउनु पर्ने

२२ असोज, काठमाडौं । अमेरिकी राष्ट्रपति डोनाल्ड ट्रम्पले आफूले आठवटा युद्ध समाप्त गराएको भन्दै नोबेल शान्ति पुरस्कार पाउनु पर्ने दाबी गरेका छन् । बुधबार ओभल अफिसमा पत्रकारहरूसँगको संवादमा ट्रम्पले आफू नोबेल शान्ति पुरस्कारका लागि योग्य रहेको बताएका हुन् । ‘कुनै राष्ट्रपतिले युद्ध अन्त्य गराउने कार्य पहिले कहिल्यै गरेका थिएनन् । मैले आठवटा युद्ध अन्त्य गराएँ र सम्भवत: विश्वलाई पूर्ण विनाशबाट जोगाएँ,’ उनले भने, ‘त्यसैले म नोबेल शान्ति पुरस्कार पाउनुपर्नेछ ।’

सन् २०२६ को नोबेल शान्ति पुरस्कार घोषणा नोर्वेजियन नोबेल समितिले शुक्रबार गर्ने तयारी रहेको छ । पुरस्कारको विषयमा सोध्दा ट्रम्पले समितिको निर्णयबारे आफूलाई कुनै जानकारी नभएको बताए। उनले भने, ‘उनीहरूको छवि यस्तो छ कि सायद म जस्ता मानिसलाई यो पुरस्कार दिँदैनन् ।’ अमेरिकी राष्ट्रपतिको दोस्रो कार्यकालमा पुनः निर्वाचित भएपछि ट्रम्पले नोबेल शान्ति पुरस्कार पाउन आफू योग्य भएको दाबी पटक–पटक गर्दै आएका छन्।

ओभल अफिसमा उनले यस पटक पुरस्कार पाउने सम्भावना आएको धारणा प्रस्तुत गरे । उनले बताए कि यसअघि नोबेल शान्ति पुरस्कार पाएका एक व्यक्तिले इतिहासमा सबैभन्दा बढी आफू यो पुरस्कारका लागि योग्य भएको बताएका थिए । ‘उनमार्फत अप्रत्यक्ष रूपमा पनि मलाई यो सम्मान पाइसकेको जस्तो लाग्छ,’ ट्रम्पले थपे। यसअघि भेनेजुएलाकी विपक्षी नेता मारिया कोरिना मचाडोले जनवरी महिनामा आफ्नो सन् २०२५ को नोबेल शान्ति पुरस्कारको पदक ट्रम्पलाई हस्तान्तरण गरेकी थिइन्। ट्रम्पले दोस्रो कार्यकाल सुरु भएयता विभिन्न विश्वस्तरीय द्वन्द्व समाप्त गर्न भूमिका खेलेको दाबी गर्दै नोबेल शान्ति पुरस्कारका लागि आफ्नो दाबी राख्दै आएका छन्।