रुसका राष्ट्रपतिमा भ्लादिमिर पुटिनले युद्ध अन्त्यका लागि इरानले राखेका सर्तहरूबारे अमेरिकी राष्ट्रपति डोनाल्ड ट्रम्पलाई जानकारी गराएको क्रेमलिनले जनाएका छन्। रूसी सञ्चारमाध्यमका अनुसार, क्रेमलिनका प्रवक्ता दिमित्री पेस्कोभले भनेका छन् कि इरानका राष्ट्रपतिसँग समन्वय गरेर पुटिनले द्वन्द्व समाधानका सम्भावित उपायहरूबारे इरानको दृष्टिकोण ट्रम्पलाई प्रस्तुत गरेका छन्।
ट्रम्पले शुक्रबार आगामी केही महिनामा रुसलाई १० लाख टनभन्दा बढी डिजेल निर्यात गर्न दिने सहमति पुटिनसँग भएको घोषणा गरेका थिए। अमेरिकाले रुसमाथि प्रतिबन्ध लगाएको भए पनि यस्तो सहमति भएको ट्रम्पले बताएका छन्। अमेरिका र इजरायलले इरानमाथि गरेको युद्धले विश्व बजारमा इन्धनको मूल्य तीव्र रूपमा बढाएको छ। विश्वव्यापी इन्धन मूल्य कम गर्ने उद्देश्यले आफूले रुसलाई डिजेल निर्यात गर्न दिने सहमति गरेको ट्रम्पले बताएका छन्।
