सोलर कुकर प्रयोग गर्न थालेपछि अफगान गाउँका मानिसहरूको जीवन सजिलो भएको छ

घामबाट खाना पकाउन थालेपछि अफगान सहरका मानिसहरूको खर्च जोगिन थाल्यो। दक्षिणपूर्वी अफगान सहर गज्नीका बासिन्दाहरूले घुमाउरो सतहमा ससाना ऐना टाँसेर बनाइएको ‘सोलर कुकर’ प्रयोग गर्न थालेपछि खाना पकाउन चाहिने ग्यास किन्नुपर्ने खर्च ह्वात्तै घटेको बताएका छन्।

अफगानिस्तानमा खाना पकाउन र बिजुली वा ग्यासको प्रयोग घटाउन ‘सोलर प्यानल’ लोकप्रिय हुँदै गएको छ। पानी उमाल्न वा अरू खानेकुरा पकाउन मानिसहरू सोलर कुकरभन्दा ठिक माथि भाँडा झुन्ड्याउने गर्छन्। गरिबीका कारण धेरै मानिसलाई तेल वा ग्यास किन्न निकै कठिन हुने भएकाले यो सरल र कम लागतको प्रविधि लोकप्रिय बन्दै गएको छ.