नेपाल निर्वाचन २०८२ प्रतिनिधिसभा ८५ लाख समानुपातिक मत गनियो, मङ्गलवार साँझसम्म ‘अन्तिम परिणाम आइसक्ने’
निर्वाचन आयोगले सार्वजनिक गरेको मतपरिणामअनुसार आज बिहान १०:४५ बजेसम्म समानुपातिक प्रणालीतर्फ ८३,१६,३९५ मत गन्दा राष्ट्रिय स्वतन्त्र पार्टीले ४० लाख कटाएको छ।
गणना सुरु भएदेखि नै रास्वपा समानुपातिक मतमा पनि अग्रस्थानमा छ। समानुपातिक प्रणालीतर्फ राष्ट्रिय स्वतन्त्र पार्टी, नेपाली कांग्रेस, नेकपा एमाले र नेपाली कम्युनिस्ट पार्टीबाहेक प्रत्यक्षतर्फ सीट जितेका श्रम संस्कृति पार्टी र राप्रपा पनि ‘ माथि देखिएका छन्।
समानुपातिक प्रणालीतर्फ पार्टीहरूले प्राप्त गर्ने सीट गणना गर्न एउटा विशेष गणितीय सूत्र प्रयोग हुन्छ।
प्रत्यक्ष मतदानमा कम्तीमा एक सीट जित्ने दलले समानुपातिक मतदानतर्फ कुल सदर मतको कम्तीमा ३ प्रतिशत मत ल्याएमा मात्र समानुपातिक प्रणालीतर्फ सीट पाउँछ।
सीट सङ्ख्याको अन्तिम निर्णय निर्वाचन आयोगले गर्छ।