नेकपा एमालेका अध्यक्ष केपी शर्मा ओली र कांग्रेस नेता रमेश लेखकको बन्दी प्रत्यक्षीकरण रिटको सुनुवाइ सर्वोच्च अदालतमा जारी छ। सर्वोच्च अदालतका न्यायाधीश विनोद शर्मा र सुनिलकुमार पोखरेलको इजलासले यस रिटमाथि सुनुवाइ गरिरहेको छ। गत भदौ २३ र २४ को जेनजी आन्दोलन छानबिन आयोगले ओली र लेखकविरुद्ध अनुसन्धान सिफारिस गरेको थियो।
आज पनि सर्वोच्च अदालतमा ओली र लेखकको बन्दी प्रत्यक्षीकरण रिटको सुनुवाइ भइरहेको छ। आइतबार न्यायाधीशहरूको इजलासले उक्त रिटमाथि सुनुवाइ सरेको थियो। आज पुनः उनीहरूको इजलासमा सुनुवाइ जारी छ। जेनजी आन्दोलनको घटना छानबिन गर्न गठन गरिएको पूर्वन्यायाधीश गौरीबहादुर कार्की नेतृत्वको आयोगले तत्कालीन प्रधानमन्त्री र गृहमन्त्रीविरुद्ध अनुसन्धानको सिफारिस गरेको थियो।
उनीहरू दुवैलाई गत चैत १४ गते बिहान पक्राउ गरिएको थियो। ओलीको पक्षबाट उनकी पत्नी राधिका शाक्य र लेखकको पक्षबाट उनकी पत्नी यशोधा थापाले बन्दी प्रत्यक्षीकरण रिट दायर गरेका थिए।
