२ वैशाख, काठमाडौं । नेपाली कांग्रेसको केन्द्रीय कार्यसम्पादन समिति बैठक आज बस्ने भएको छ। कांग्रेस केन्द्रीय कार्यालयका अनुसार बैठक दिउँसो २ बजेका लागि निर्धारित गरिएको छ। यो बैठक पूर्वनिर्धारित कार्यक्रम अन्तर्गत आयोजना गरिएको हो। कार्यसम्पादन बैठक अघि कांग्रेसले केन्द्रीय अनुशासन समिति बैठक पनि बोलाएको छ। अनुशासन समिति बैठक बिहान ११ बजेका लागि आह्वान गरिएको छ। पूर्णबहादुर खड्काले कार्यवाहक सभापतिको रूपमा दोस्रो पटक विज्ञप्ति जारी गरेपछि अनुशासन समितिको बैठक आयोजना हुन लागेको हो। विशेष महाधिवेशनबाट निर्वाचित गगन थापाको टिमलाई निर्वाचन आयोगले आधिकारिकता दिएको भए तापनि खड्का समूहले समानान्तर गतिविधिहरू गर्दै आएको छ।
