राज्यमन्त्री खड्काले सामाजिक सञ्जालमा फैलिएका भ्रमप्रति सचेत गराउँदै विकासमा इमानदार प्रयासको आवश्यक्ता औंल्याए

५ वैशाख, डोटी। सुदूरपश्चिम प्रदेश सरकारले विकासकै नाममा सामाजिक सञ्जालमार्फत फैलिएका भ्रमहरूले विकास प्रक्रियालाई अवरुद्ध हुन नदिनु महत्वपूर्ण रहेको सामाजिक विकास राज्यमन्त्री सरस्वती खड्काले बताउनु भएको छ। १६ औं डोटी जिल्लास्तरीय राष्ट्रपति रनिङ्ग शिल्ड उद्घाटन समारोहमा उहाँले प्रदेशको समग्र विकासमा सरकारले इमानदारीका साथ काम गरिरहेको दावी गर्नुभयो।

‘हामी प्रदेशको विकासका लागि दिनरात खटिरहेका छौं। यद्यपि अपेक्षित विकास अझै हासिल भएको छैन,’ राज्यमन्त्री खड्काले भन्नुभयो, ‘तर सामाजिक सञ्जालमार्फत भ्रम फैलाएर विकास हुन सक्दैन।’ विकासका लागि तीन तहका सरकारहरू बीच सहकार्य र समन्वय आवश्यक रहेको कुरा उहाँले स्पष्ट पार्नुभयो। हालको प्रदेश सरकारले पूर्व सरकारका राम्रा कार्यहरूलाई निरन्तरता दिंदै कमजोरीहरू हटाउँदै काम गरिरहेको उल्लेख गर्दै राज्यमन्त्री खड्काले भनिन्, ‘हामी प्रदेशमा कुनै अनियमितता सहनु हुने छैन। यदि कसैले योजना बिक्री गरेको सूचना छ भने कृपया कुनै पनि माध्यमबाट हामीलाई खबर गर्नु होला।’

युवाहरुलाई आश्वासन दिँदै अहिले संघमा नयाँ जनादेश अनुसार सरकार बनेको उल्लेख गर्दै चुनावमा दिइएका वाचा पूरा हुने कि नहुने कुरा हेर्नुपर्ने उहाँको प्रतिक्रिया छ।