६ वैशाख, सिरहा। सिरहाको सखुवानान्कारकट्टी गाउँपालिका-२ मकरामपुरमा हावाहुरी र वर्षाका कारण घरको पर्खाल खस्दा एक महिलाको मृत्यु भएको छ। शनिवार राति करिब ८:४५ बजे हावाहुरीले घरको पर्खाल भत्काउँदा पुरिएर करिब ६० वर्षीया किसुनवती यादवको मृत्यु भएको हो। जिल्ला प्रहरी कार्यालय सिरहाका प्रवक्ता तथा डिएसपी रमेशबहादुर पालका अनुसार, घटनाको जानकारी पाएपछि इलाका प्रहरी कार्यालय महेशवारीको टोली घटनास्थलमा पुगेर विवरण संकलन गरेको थियो। प्रहरीका अनुसार मृतकको शव घरमै राखिएको छ र घटनास्थल सुरक्षित गरिएको छ। घटनास्थल इलाका प्रहरी कार्यालय महेशवारीबाट करिब ४.५ किलोमिटर पश्चिममा पर्दछ।
