काठमाडौं महानगरपालिका–९ स्थित गैरीगाउँको नदी किनारमा रहेको सुकुमवासी बस्ती भत्काउन नेपाल प्रहरी, सशस्त्र प्रहरी बल र महानगर प्रहरीको संयुक्त टोली परिचालन गरिएको छ। सरकारको निर्देशनअनुसार सार्वजनिक स्थल अतिक्रमण गरी बनाइएका संरचनाहरू भत्काउने अभियान सुरु गरिएको हो।
आज दिउँसोदेखि त्यहाँ बस्तीहरू भत्काउन नेपाल प्रहरी, सशस्त्र प्रहरी बल र काठमाडौं महानगर प्रहरीको संयुक्त टोली परिचालन गरिएको छ। जिल्ला प्रहरी परिसर काठमाडौंका प्रवक्ता तथा प्रहरी उपरीक्षक पवनकुमार भट्टराईले सुरक्षाकर्मीहरूको ठूलो उपस्थितिमा बस्तीका अस्थायी र स्थायी संरचना हटाउने काम भइरहेको जानकारी दिए।
आजै बिहान थापाथलीस्थित बागमती नदी किनारका सुकुमवासी बस्ती पनि खाली गराइएको थियो।
