बार्सिलोनाले आफ्नो घरेलु मैदानमा रियल मड्रिडलाई २–० ले पराजित गर्दै स्पेनिस ला लिगाको २९औं उपाधि आफ्नो नाम गरेको छ। बार्सिलोनाका मार्कस रासफर्डले नवौं मिनेटमा फ्रिकिकमा गोल गरे, भने फेरान टोरेसले १८औं मिनेटमा दोस्रो गोल गराए। बार्सिलोनाले सिजन सकिन तीन खेल बाँकी रहँदै ९१ अंकसहित उपाधि सुनिश्चित गरेको छ र आफ्नो घरेलु मैदानमा अपराजित रह्यो। २७ वैशाख, काठमाडौं।
बार्सिलोनाले आफ्ना चिरप्रतिद्वन्द्वी रियल मड्रिडसँग दोस्रो एल क्लासिको खेलमा जित हात पार्दै स्पेनिस ला लिगाको उपाधि आफ्नो नाम गरेको छ। गएर राति आफ्नै मैदानमा खेलेको खेलमा बार्सिलोनाले रियल मड्रिडलाई २–० को फरकले हराउँदै लगातार दोस्रो पटक तथा कुल २९औं पटक उपाधि जितेको हो। बार्सिलोनाका लागि मार्कस रासफर्डले खेलको नवौं मिनेटमा सुन्दर फ्रिकिक गोल गरे। त्यसपछि १८औं मिनेटमा फेरान टोरेसले दोस्रो गोल फर्काए। त्यसपछि कुनै गोल थप भएन।
यो जितसँगै बार्सिलोनाले सिजन सकिन तीन खेल बाँकी रहँदा ला लिगाको उपाधि सुनिश्चित गरेको छ। बार्सिलोनाले हालसम्म ३५ खेलबाट ९१ अंक जोडेको छ भने दोस्रो स्थानमा रहेको रियल मड्रिडले समान खेलबाट ७९ अंक प्राप्त गरेको छ। बार्सिलोनाले यस सिजन घरमै अपराजित रह्यो। घरेलु मैदानमा खेलेका सबै १८ खेल जित्दै उनीहरूले प्रभावशाली प्रदर्शन देखाएका थिए। प्रशिक्षक हान्सी फ्लिकको नेतृत्वमा बार्सिलोनाले लगातार ११ खेल जित्दै उपाधि यात्रालाई सफल बनाएको छ।
सम्बन्धित खबर
