बालेन शाह ने राष्ट्रिय अनुसन्धान विभागलाई प्रधानमन्त्री कार्यालयको मातहत ल्याए
१ जेठ, काठमाडौं । देशको एकमात्र गुप्तचर निकाय राष्ट्रिय अनुसन्धान विभाग पुनः प्रधानमन्त्री कार्यालयको मातहत ल्याइएको छ। बुधबार कार्यविभाजन नियमावलीको संशोधन गर्दै गुप्तचर निकायलाई पुन: प्रधानमन्त्री कार्यालय मातहत राखिएको हो। एमाले अध्यक्ष केपी शर्मा ओली प्रधानमन्त्री हुँदा गृह मन्त्रालयको मातहत रहेको राष्ट्रिय अनुसन्धान विभागलाई प्रधानमन्त्री कार्यालयमातहत ल्याएका थिए। तर जेएनयू आन्दोलनपछि सुशीला कार्की नेतृत्वको सरकारले उक्त विभागलाई पुनः गृह मन्त्रालयको मातहत नै फर्काएको थियो।
२१ फागुनमा सम्पन्न प्रतिनिधि सभा निर्वाचनमा झण्डै दुई तिहाई बहुमत प्राप्त गरी रास्वपा संसदीय दलका नेता बालेन शाह प्रधानमन्त्री बन्नु भएपछि गुप्तचर निकायलाई पुन: प्रधानमन्त्री कार्यालय मातहत राखिएको हो। १५ चैतमा यस सरकारले सार्वजनिक गरेको सुशासन मार्गचित्र २०८२ मा गुप्तचर निकायलाई प्रधानमन्त्री कार्यालयमा राख्न सुझाव दिइएको थियो। प्रधानमन्त्री तथा मन्त्रिपरिषद् कार्यालयका सचिव गोविन्दबहादुर कार्कीको संयोजकत्वमा बनेको समितिले तयार पारेको सुशासन मार्गचित्रको ८०२ पृष्ठमा स्पष्ट रूपमा गुप्तचरलाई प्रधानमन्त्री कार्यालय मातहत राख्न सिफारिस गरिएको छ।
‘विभागलाई पटक-पटक मन्त्रालय परिवर्तन नगरी प्रधानमन्त्री कार्यालय मातहत राखेर स्थायित्व प्रदान गर्ने’ भनी सुशासन मार्गचित्रमा उल्लेख गरिएको छ। साथै, यो काम तीन महिनाभित्रै सम्पन्न गर्नुपर्ने पनि भनिएको छ। त्यसपछि संस्थागत स्थायित्व आउने व्यवस्था गरिएको छ। यस्तै क्रममा हालसालै गुप्तचरलाई प्रधानमन्त्री कार्यालय मातहत ल्याइएको प्रधानमन्त्री कार्यालय स्रोतले बताएको छ।