सिरहामा २७६ किलो गाँजा बेवारिसे अवस्थामा फेला

३ जेठ, काठमाडौं। सिरहामा प्रहरीले झण्डै तीन क्विन्टल बेवारिसे अवस्थामा गाँजा फेला पारेको छ। सिरहा प्रहरीले बताएको छ कि शनिबार राति कर्जन्हा नगरपालिका कार्यालयबाट लगभग ३०० मिटर टाढा एक झाडीमा ११ वटा बोरा भित्र गाँजा भेटिएको थियो। प्रहरी नायब उपरीक्षक (डीएसपी) रमेशबहादुर पालका अनुसार उक्त गाँजाको तौल २७६ किलो रहेको छ। प्रहरीले उक्त गाँजा नियन्त्रणमा लिएर थप अनुसन्धान भैरहेको जानकारी दिएको छ।