१५ जेठ, काठमाडौं। नेकपा एमालेका नेता विष्णु रिजालले बजेटलाई औसत र सन्तुलित रहेको बताएका छन्। उनले भनेका छन्, “स्रोतको अभाव छ, ठूला घोषणा पनि कम छन्। ऋण धेरै छ, आन्तरिक र बाह्य दुवै तर्फ।” फेसबुकमा रिजालले लेखेका छन्, “विदेशी लगानीकर्ताले पैसा दिए भने मात्र बजेट कार्यान्वयन सम्भव हुनेछ।” विकास निर्माणका लागि बजेटको २० प्रतिशत विनियोजन गरी ७ प्रतिशत आर्थिक वृद्धिदरको लक्ष्य यथार्थपरक नहुने उनको टिप्पणी छ। उनले थपे, “बजेटले मध्यम वर्गतर्फ केन्द्रित छ र रेमिट्यान्सबाट धेरै अपेक्षा गरिएको छ।”
