गुजरात टाइटन्सले आईपीएल क्रिकेटमा कोलकाता नाइट राइडर्सलाई ५ विकेटको अन्तरले पराजित गर्दै तेस्रो जित हासिल गरेको छ। कोलकाताले दिएको १८१ रनको लक्ष्य गुजरातले केवल २ बल बाँकी रहँदा ५ विकेट गुमाएर पूरा गर्यो। कप्तान शुभमन गिलले उत्कृष्ट प्रदर्शन गर्दै सर्वाधिक ८६ रन बनाए, उनले ५० बल खेल्दै ८ चौका र ४ छक्का प्रहार गरे। यसका साथसाथै जस बट्लरले २५ तथा साइ सुदर्शनले २३ रन जोडे।
कोलकाताका वरुण चक्रवर्तीले २ विकेट लिए भने वैभव अरोरा, सुनिल नराइन र रमनदीप सिंहले १-१ विकेट लिए। टस जितेर पहिले ब्याटिङ रोजेको कोलकाताले २० ओभरमा अलआउट हुँदै १८० रन बनाएको थियो, जसमा क्यामरन ग्रीनले सर्वाधिक ७९ रन बनाए। रोभमन पावेलले २७ तथा टिम सेफर्टले १९ रन थपे। गुजरातका कगिसो रबाडाले ३ विकेट लिए भने मोहम्मद सिराज र अशोक शर्माले २-२ विकेट लिए। प्रसिध कृष्णा र राशिद खानले पनि १-१ विकेट हात पारे। यस जितसँगै ६ खेलमा ६ अंक जोड्दै गुजरात चौथो स्थानमा पुग्दा, कोलकाता ६ खेलमा बिना जित १ अंकसहित १०औं स्थानमा छ।
