अर्थमन्त्री डा. स्वर्णिम वाग्ले । फाइल फोटो २३ वैशाख, काठमाडौं । राष्ट्रिय स्वतन्त्र पार्टी (रास्वपा) का सांसदहरूले आज अर्थमन्त्री डा. स्वर्णिम वाग्ले र भौतिक पूर्वाधार मन्त्री सुनिल लम्सालसँग आगामी आर्थिक वर्षको बजेटबारे पूर्व छलफल गर्दैछन्। उक्त छलफल संसदीय दलको कार्यालय सिंहदरबारमा अपराह्न चार बजे आयोजना हुने छ। छलफलमा नीति तथा कार्यक्रम र बजेटका प्राथमिकताबारे व्यापक चर्चा हुनेछ। साथै सांसदहरूले आफ्ना क्षेत्रीय आवश्यकता अनुसारका बजेट र कार्यक्रमहरू मन्त्रीहरूलाई जानकारी गराउने तयारीमा छन्। सरकारले जेठ १५ गते आर्थिक वर्ष २०८३/८४ को बजेट प्रस्तुत गर्दैछ। यसअघि मन्त्रीहरू र सांसदहरूबीच छलफलको व्यवस्था गरिएको छ। रास्वपाले विश्वास लिएको छ कि यस छलफलले जनताका आवश्यकताअनुसारका योजना, नीति तथा कार्यक्रम र बजेटमा समावेशीता सुनिश्चित गर्न सहयोग पु¥याउनेछ।
