राष्ट्रपति रामचन्द्र पौडेलले आर्थिक वर्ष २०८३/८४ को नीति तथा कार्यक्रम संसदमा प्रस्तुत गर्दै प्रहरी अनुसन्धानलाई प्रविधिमैत्री बनाइने बताएका छन्। उनले प्रहरीको फरेन्सी जाँचलाई परिस्कृत गरिने र लागु औषध तथा अन्तरदेशीय अपराध अनुसन्धानमा आधुनिक प्रविधि विकास गरिने उल्लेख गरेका छन्।
सरकारले प्रहरी अनुसन्धानलाई प्रविधिमैत्री बनाउने योजना घोषणा गरेको छ। राष्ट्रपति पौडेलले फरेन्सी जाँचलाई थप परिस्कृत गर्दै प्रविधिमैत्री अनुसन्धानमा जोड दिइने जानकारी दिएका छन्। भौतिक पूर्वाधारको स्तर सुधार गर्न समेत योजना बनाइएको छ।
लागु औषध तथा अन्तरदेशीय अपराध अनुसन्धानमा आधुनिक प्रविधिको विकास गरिने बताइएको छ। साइबर अपराध र वित्तीय अपराध अनुसन्धानका लागि छुट्टै इकाई सञ्चालन गरिने पनि उल्लेख गरिएको छ। साथै, कसुरजन्य सम्पत्ति जफतलाई प्रभावकारी बनाउन पहल गरिने कुरा राष्ट्रपति पौडेलले बताएका छन्।
