राष्ट्रपति रामचन्द्र पौडेलसँग पूर्णबहादुर खड्काको असन्तुष्टि: २४ भदौयता देशको दुर्गतिमा उहाँको भूमिकाबारे स्पष्ट भन्न सक्दिनँ

३ जेठ, काठमाडौं। नेपाली कांग्रेसका निवर्तमान कार्यवाहक सभापति पूर्णबहादुर खड्काले राष्ट्रपति रामचन्द्र पौडेलप्रति आफ्नो असन्तुष्टि प्रकट गरेका छन्। आइतबार सुर्खेतमा आयोजित ‘नेपाली कांग्रेसको वृहत्तर एकता र भावी कार्यदिशा’ विषयक कार्यक्रममा वक्तव्य दिनुभएको खड्काले राष्ट्रपतिको भूमिकाप्रति असन्तुष्टि प्रकट गरे। उनले २०७९ सालको निर्वाचनपछिको गठबन्धन विघटन र तत्कालीन प्रधानमन्त्री पुष्पकमल दाहाल ‘प्रचण्ड’सँग लामो समयसम्म संवाद गरेर राष्ट्रपति पौडेलको नियुक्तिमा महत्वपूर्ण भूमिका खेलेको स्मरण गरे।

‘राष्ट्रपति निर्वाचनअगावै १० दिन वार्ता गरिसकेपछि प्रचण्डजीले अन्ततः मान्यता दिनुभयो,’ उनले भन्नुभयो, ‘तर अर्को दिन केही पक्षले अप्ठेरो पार्ने वा अप्ठेरो मान्ने संकेत देखाए। धेरै प्रश्नहरू आए, ती सबैको जिम्मा मैले लिएँ।’ तर राष्ट्रपति पद ग्रहण गरेपछि पौडेलको भूमिकाले राष्ट्रिय राजनीतिमा जटिलता निम्त्याएको उनि व्यङ्ग्य गर्दै उल्लेख गरे। ‘राष्ट्रपति भएपछि, भदौ २४ गते यता देशको दुर्गतिमा उहाँले के-के भूमिका निर्वाह गर्नुभयो भन्ने म अहिले खुलस्त रूपमा भन्न सक्दिनँ। त्यस विषयमा मसँग प्रमाणहरू पनि छन्,’ खड्काले बताए। साथै, उनले राष्ट्रपति पौडेलका कारण गठबन्धन संस्कृतिमा पनि प्रभाव परेको बताए। ‘यी सबै कारणले गठबन्धन भत्किएको हो,’ उनले जोड दिए।