राष्ट्रिय प्रजातन्त्र पार्टीकी सांसद सरस्वती लामाले महँगी नियन्त्रण गर्न सरकारले कुनै सफलता हात पारेको छैन भनी आरोप लगाएकी छन्। सांसद लामाले महँगीका कारण जनजीवन निकै कष्टकर बनेको र सरकारको उपस्थितिको प्रभाव महसुस नभएको बताएकी छन्। उनले कृषि उत्पादनलाई बलियो बनाइ स्थानीय उत्पादनलाई प्रवर्द्धन गर्न सरकारलाई आग्रह गरेकी छन्। ५ जेठ, काठमाडौं।
सांसद लामाले अत्याधिक रूपमा बढेको महँगी नियन्त्रण गर्न सरकार पूर्णरूपले असफल भएको आरोप लगाएकी छन्। प्रतिनिधि सभा बैठकमा वक्तव्य दिँदै सांसद लामाले महँगीले सर्वसाधारणको जनजीवन अत्यन्तै कष्टकर भएको भन्दै सरकारको ध्यानाकर्षण गराएकी छन्। बजारमा दैनिक उपभोग्य वस्तुहरू जस्तै चामल, दाल, तरकारी, पेट्रोलियम पदार्थ र खाना पकाउने ग्यासको मूल्य अत्यधिक वृद्धि भएको उल्लेख गर्दै उनले सरकारले सुशासनको ग्यारेन्टी दिन असफल भएको व्याख्या गरिन्।
सांसद लामाले दुई तिहाइ शक्तिशाली सरकारले पनि जनताको पीडा सम्बोधन गर्न नसकेको र सरकारको उपस्थिति सर्वसाधारणले महसुस गर्न नसकेको स्पष्ट गरिन्। उनले भनिन्, “नागरिकको आम्दानी स्थिर छ, तर खर्चको भार निरन्तर बढ्दै गएपछि सामान्य जनजीवन गुजार्न निकै कठिन भएको छ।” उनले थपिन्, “आज महँगीले जनताको ढाड सेकेको छ, भान्छाको अवस्था अत्यन्तै दयनीय छ। के यही हो सरकारले प्रदान गर्न चाहेको सुशासन? कालोबजार नियन्त्रण गर्न र जनतालाई आर्थिक राहत दिन सरकार किन लागिपरेको छैन?” सांसद लामाले कृषि उत्पादन र आपूर्ति श्रृंखलालाई सुदृढ गर्दै आयातमा निर्भरता कम गर्न र स्थानीय उत्पादनलाई प्रोत्साहन गर्न सरकारसँग आग्रह गरेकी छन्।
