नेपाली पुरुष क्रिकेट टोलीले चीनविरुद्धको खेलमा २० ओभरमा ३१३ रन निर्माण गर्दै एक ऐतिहासिक उपलब्धि हासिल गरेको छ। यस खेलमा नेपालले २९ छक्का प्रहार गर्दै विश्वकै सर्वाधिक छक्काको कीर्तिमान बराबर गरेको छ। नेपाली ब्याट्सम्यान कुशल भुर्तेलले एउटै ओभरमा ६ छक्का प्रहार गर्दै बाउन्ड्रीबाट सर्वाधिक ११६ रनको नयाँ राष्ट्रिय कीर्तिमान स्थापना गरेका छन्। १७ जेठ, काठमाडौं।
नेपालले आइतबार बिहान एसियन गेम्स छनोट अन्तर्गत चीनसँगको खेलमा आक्रामक ब्याटिङ गर्दै २० ओभरमा ३१३ रनको विशाल योगफल बनाएको छ। यस उपलब्धिमा केही नयाँ कीर्तिमानहरू समेत कायम भएका छन्। नेपाल टी-२० अन्तर्राष्ट्रिय क्रिकेटमा दुई पटक ३०० रन पार गर्ने पहिलो टोली बनेको छ। यसअघि नेपालले सन् २०२३ मा एसियन गेम्सकै खेलमा मंगोलियाविरुद्ध ३१४ रन बनाएको थियो।
नेपालले टी-२०आईमा पहिलो पटक ३०० रन कट गर्ने टोलीको रूपमा पनि इतिहासमा आफ्नो नाम लेखाएको छ। जिम्बाबेले गाम्बियाविरुद्ध सन् २०२४ मा ३४४ रन बनाएर नेपालको कीर्तिमान तोडेको थियो। आइतबार नेपालको टोलीले चीनविरुद्ध २९ छक्का प्रहार गरेको छ, जुन एकै इनिङमा सर्वाधिक छक्का प्रहारको (साझा) कीर्तिमान हो। कुशल भुर्तेलले एउटै ओभरमा ६ छक्का प्रहार गर्दै दुर्लभ रेकर्ड कायम गरेका छन्।
सम्बन्धित खबर
