मधेस प्रदेशमा बढ्दो विद्युत् माग पूरा गर्न ऊर्जा मन्त्रालयले विभिन्न रणनीतिक प्रसारण लाइन र सबस्टेसन निर्माण परियोजनालाई प्राथमिकताका साथ अघि बढाएको छ। ऊर्जामन्त्री विराजभक्त श्रेष्ठले धनुषाको बालगंगा सबस्टेसनको निर्माणलाई तीव्र बनाउन दसैं अघि नै सञ्चालनमा ल्याउने गरी काम भइरहेको जानकारी दिएका छन्। सिरहा, सप्तरी, रौतहट र बारा–पर्सा औद्योगिक करिडोर क्षेत्रमा विद्युत् आपूर्तिको गुणस्तर सुधार गर्न थप प्रसारण संरचना र सबस्टेसन निर्माणका लागि विभिन्न सम्झौताहरू अघि बढिरहेका छन्। २७ साउन, काठमाडौं।
मधेस प्रदेशमा बढ्दो विद्युत् माग पूर्ति गर्न प्रसारण लाइन र सबस्टेसन निर्माणका रणनीतिक परियोजनाहरूले तीव्रता पाएको छ। ऊर्जा, जलस्रोत तथा सिँचाइ मन्त्रालयले तत्कालीन विद्युत् माग मात्र होइन, उद्योग, व्यवसाय र घरेलु उपभोक्ताबाट आउने आगामी माग समेत पूरा गर्ने गरी प्रसारण संरचनाको विस्तारलाई प्राथमिकता दिएको छ। नयाँ प्रसारण लाइन र सबस्टेसन निर्माणसँगै मधेसमा विद्युत् आपूर्तिको गुणस्तर र विश्वसनीयता सुधार हुने र औद्योगिक विस्तारका लागि आवश्यक ऊर्जा पूर्वाधार तयार हुने अपेक्षा गरिएको छ।
परियोजनाहरू समयमै सम्पन्न गर्न मन्त्रालयले नियमित अनुगमन, समन्वय र सहजीकरण गरिरहेको छ। ऊर्जामन्त्री विराजभक्त श्रेष्ठका अनुसार मधेसमा विद्युत् माग पूर्ति गर्ने उद्देश्यले अगाडि बढाइएका विभिन्न प्रसारण लाइन र सबस्टेसन परियोजनाहरू महत्वपूर्ण चरणमा पुगेका छन्। दसैंअघि बालगंगा सबस्टेसन सञ्चालन गर्ने लक्ष्य मधेसका महत्त्वपूर्ण निर्माणाधीन आयोजनाहरू मध्ये ढल्केबर–बालगंगा १३२ केभी प्रसारण लाइन र सबस्टेसन परियोजना रहेको छ।
सिरहा-सप्तरीमा बढ्दो माग व्यवस्थापनको तयारी मधेसको विद्युत् प्रणालीमा ३३ केभी र ११ केभी वितरण लाइनमा बढ्दो भार मुख्य चुनौती बनेको छ। विशेषगरी सिरहा र सप्तरीका ग्रामीण र औद्योगिक क्षेत्रमा विद्युत् माग बढेसँगै विद्यमान वितरण संरचनाले भविष्यको माग पूरा गर्न कठिनाइ भोग्ने अवस्था छ। यो चुनौती व्यवस्थापन गर्न लहान–सुखीपुर १३२ केभी प्रसारण लाइन आयोजना अघि बढाइएको छ।
सप्तरीमा विद्युत् माग र औद्योगिक सम्भावनालाई मध्यनजर गर्दै रुपनी–बोदेबरसाइन १३२ केभी प्रसारण लाइन आयोजना अगाडि बढाइएको छ। लगभग १८ किलोमिटर डबल सर्किट प्रसारण लाइन निर्माण गरेर बोदेबरसाइनमा १३२/३३/११ केभी सबस्टेसन स्थापना गर्ने योजना छ। रौतहटको चन्द्रपुर–सरुअठा १३२ केभी प्रसारण लाइन आयोजना मध्य र दक्षिणी क्षेत्रको विद्युत् आपूर्ति सुधार गर्ने तयारीमा छ।
बारा–पर्सा क्षेत्रमा विद्युत् माग तीव्र रुपमा बढिरहेको अवस्थामा हेटौंडा–परवानीपुर–पोखरिया १३२ केभी प्रसारण लाइन आयोजना प्राथमिकता दिइएको छ। परियोजनालाई सन् २०२७ सेप्टेम्बरसम्म सम्पन्न गर्ने लक्ष्य राखिएको छ।
