नङ्गशल र रिहानाको जोडी पुष्पलाल स्मृति ब्याडमिन्टन प्रतियोगितामा क्वार्टरफाइनलमा प्रवेश

लिनिङ भइ रहेको १४ औं पुष्पलाल स्मृति राष्ट्रिय वरीयता ब्याडमिन्टन प्रतियोगितामा महिला युगलतर्फ नङ्गशल तामाङ र रिहाना सेरचनको जोडीले अन्तिम आठ वा क्वार्टरफाइनलमा स्थान बनाएको छ। २८ साउन, काठमाडौंमा सम्पन्न खेलमा तामाङ र सेरचनको जोडीले नेपाल पुलिस क्लबका श्रेया बज्राचार्य र अश्मिता खत्रीको जोडीलाई २१-१५, २३-२१ को सेटमा हराउँदै क्वार्टरफाइनल प्रवेश गरेको हो।

चितवनकी सुषमा भुजेल र कास्कीकी दिलाशा रानाको जोडीले आर्मीका अनुमाया राई र समृद्धि श्रेष्ठको जोडीलाई २१-८, २१-८ को स्पष्ट जित हात पारेकी छिन्। सुर्खेतकी निर्भिता शाही र निशा सिंहको जोडीले मेघा शर्मा र लिला थापाको जोडीलाई २१-१०, २१-१७ ले हराउँदै क्वार्टरफाइनल पुग्न सफल भएका छन्।

पुरुष यू–१५ एकलतर्फ धन्यन्तरीका सुहम कार्की, कञ्चनपुरका उदय चन्द, सिन्धुली ब्याडमिन्टन एकेडेमीका दीप थिङ र आर्मीका सामन्त भद्र बज्राचार्यले पनि क्वार्टरफाइनलमा स्थान बनाएका छन्। सुहमले आर्मीका रिजन मगरलाई २१-१४, २१-१९ ले, उदयले बालकुमारी रिमिक्सका प्रज्वल बज्राचार्यलाई २१-९, २१-११ ले, दीपले आर्मीका आशुतोष कसौधनलाई २१-८, २१-१० ले र सामन्तले सूर्यदर्शनका सोनम वलीलाई २१-१९, २१-९ ले पराजित गरेका छन्।