समाचार सारांश डिजिटल प्रविधिमा हुर्किएको युवा पुस्ता अहिले मानसिक शान्ति र सिर्जनशीलताका लागि बर्डवाचिङ, क्राफ्टिङ र बेकिङजस्ता परम्परागत गतिविधितर्फ आकर्षित भइरहेका छन्। आजको युवा पुस्ताको जीवनशैली, रुचि र मनोरञ्जनका तरिका अघिल्लो पुस्ताभन्दा धेरै फरक देखिन्छ। डिजिटल प्रविधि, स्मार्टफोन र सामाजिक सञ्जालसँगै हुर्किएको यो पुस्ता दिनको ठूलो समय स्क्रिनमा बिताए तापनि अब केही समय स्क्रिनबाट टाढा रहेर मानसिक शान्ति, सिर्जनशीलता, आत्मअभिव्यक्ति र सामाजिक सम्बन्ध बढाउन सक्षम गतिविधिहरूमा पनि आकृष्ट हुँदैछ। विशेष गरी सामाजिक सञ्जालले पुराना प्यासनहरूलाई नयाँ स्वरूपमा लोकप्रिय बनाउन महत्वपूर्ण भूमिका खेलेको छ।
हजुरआमा–हजुरबुबाका पुस्तासँग जोडिएका बुनाइ, क्रोशिया, बेकिङ वा बर्डवाचिङ जस्ता गतिविधिहरू अहिले युवाहरूलाई ‘कूल’ र ट्रेन्डिङ प्यासनका रूपमा आकर्षित गरिरहेका छन्। त्यस्तै, गेमिङ, डिजिटल आर्ट र म्युजिक प्रोडक्सनले प्रविधि र सिर्जनशीलतालाई एकै ठाउँमा जोडेको छ। यी प्यासनहरू समय बिताउने माध्यम मात्र होइन, कतिपयले तनाव कम गर्न, एकाग्रता बढाउन, नयाँ सीप सिक्न, सामाजिक सम्बन्ध विस्तार गर्न र भविष्यमा आम्दानी गर्ने स्रोत बन्न पनि सहयोग गर्न सक्छन्।
बर्डवाचिङ अर्थात् चराचुरुङ्गी हेर्ने र तिनका प्रजाति पहिचान गर्ने गतिविधि अब केवल उमेर ढल्किएका व्यक्तिको रुचिमा सीमित छैन। नयाँ पुस्ताले यसलाई प्रकृतिसँग नजिक हुने, फोटोग्राफी गर्ने र नयाँ कुरा सिक्ने रोचक माध्यमका रूपमा बस्न थालेका छन्। मोबाइल एप र डिजिटल प्रविधिले बर्डवाचिङलाई अझ सहज बनाएका छन्। रियल–लाइफ पोकेमोन अनुभव धेरै युवाका लागि विभिन्न प्रजातिका पन्छी खोज्दै हिँड्नु ‘रियल–लाइफ पोकेमोन हन्ट’ जस्तो रोमाञ्चक अनुभव बनिरहेको छ।
डिजिटल प्रविधिको विकाससँगै कला सिर्जना र संगीत उत्पादन गर्ने तरिका निकै परिवर्तन भएको छ। पहिले संगीत बनाउन महँगो स्टुडियो र उपकरण आवश्यक पर्थ्यो। अहिले साधारण कम्प्युटर, ट्याब्लेट वा स्मार्टफोनबाट पनि बीट, संगीत र डिजिटल आर्ट बनाउन सकिन्छ। क्रिएटिभ कन्टेन्ट निर्माण युवा डिजिटल इलस्ट्रेसन, ग्राफिक डिजाइन, एनिमेसन, फोटोग्राफी, भिडियो सम्पादन र आफ्नै संगीत तयार गर्न रुचाइरहेका छन् जसले उनीहरूलाई आफ्नो प्रतिभा प्रस्तुत गर्ने मौका दिएको छ।
युवाहरूको प्यासनमा आएको परिवर्तनको पछाडि सामाजिक सञ्जाल र डिजिटल प्रविधि मुख्य भूमिका खेलिरहेका छन्। कुनै पनि प्यासनलाई लोकप्रिय बनाउन टेलिभिजन वा पत्रिकाको आवश्यकता छैन, टिकटक, इन्स्टाग्राम, युट्युबजस्ता प्लेटफर्महरूमा भिडियो भाइरल भएपछि त्यसका अनुसरणकर्ताहरू तीव्र रूपमा बृद्धि हुन्छन्। युवा पुस्ता आज प्यासनलाई मात्र खाली समयमा गर्ने कामका रूपमा होइन, नयाँ सीप सिक्ने, समान रुचिका मानिससँग जोडिने र भविष्यमा आम्दानीको सम्भावना खोज्ने माध्यमका रूपमा पनि हेर्छन्।
