८१ वर्षपछि बेपत्ता चिनियाँ क्यालिग्राफी हङकङमा २ करोड २६ लाख डलरमा बिक्री

द्वितीय विश्वयुद्धपछि हराएको चिनियाँ क्यालिग्राफी ‘जिसि टिए’ ८१ वर्षपछि पुनः सार्वजनिक भएको छ र यसलाई १७७.४५ मिलियन हङकङ डलरमा बिक्री गरिएको छ। प्रारम्भिक ताङ वंशका क्यालिग्राफर यु सिनानको यो निजी पत्र ‘चाइना गार्डियन’ले हङकङमा आयोजित लिलामीमा १५५ मिलियन हङकङ डलरको ह्यामर प्राइस प्राप्त गरेको थियो। लिलामीअघि बेइजिङमा दर्साइएको यो कृतिको शीर्षक र सुरुका दुई अक्षर हराएका थिए, तर बाँकी भाग र टिप्पणीहरू सुरक्षित रहेको जानकारी दिंदैछ।

द्वितीय विश्वयुद्धको राजनीतिक हलचल र लुटपाटका कारण १९४५ देखि बेपत्ता रहेको यो दुर्लभ ऐतिहासिक चिनियाँ क्यालिग्राफी २ करोड २६ लाख अमेरिकी डलर (करिब १७ करोड ७४ लाख ५० हजार हङकङ डलर) मा बिक्री भएको छ। चिनियाँ कला क्षेत्रको प्रतिष्ठित प्रदर्शनी स्थल ‘चाइना गार्डियन’ले हङकङ कनभेन्सन एन्ड एक्जिबिसन सेन्टरमा आयोजना गरेको प्रदर्शनीमा यस कृतिलाई रु १५५ मिलियन हङकङ डलरको ह्यामर प्राइस प्राप्त भयो।

ताङ राजवंशका महान क्यालिग्राफर यु सिनानले आफ्ना साथीलाई लेखेको यो पत्र ‘जिसि छिङ सिन’ (मैले धेरै समयदेखि तिमीलाई सम्झिरहेको छु) भन्ने वाक्यबाट सुरु हुने भएकाले यसलाई ‘जिसि टिए’ नाम दिइएको हो। यु सिनान ताङ सम्राट ताइजोङका क्यालिग्राफी गुरुका रूपमा चर्चित छन् र उनलाई ताङ कालका चार महान् क्यालिग्राफर मध्येको एक मानिन्छ।

सेप्टेम्बरमा लिलामीअघि बेइजिङमा प्रदर्शनमा राखिँदा यो दुर्लभ कृति हेर्न धेरै मानिसहरू जम्मा भएका थिए। आयोजकहरूले प्रत्येक दर्शकलाई केवल दुई मिनेट हेराइकालागि अनुमति दिएका थिए भने लाइनमा बस्न आधा घण्टा भन्दा बढी समय लागेको थियो। कला इतिहासकारहरूले यो बिक्रीले चिनियाँ क्यालिग्राफी र सांस्कृतिक धरोहरको ऐतिहासिक महत्वलाई पुनः विश्वमञ्चमा स्थापित गरेको बताएका छन्।