कक्रोच जनता पार्टीका दुई मागहरू पूरा गर्न मोदी सरकार तयार

८ साउन, काठमाडौं । भारतमा आन्दोलनरत कक्रोच जनता पार्टी (सीजेपी) का दुई मागहरू पूरा गर्न भारत सरकारले तयारी जनाएको छ। सीजेपी प्रवक्ता आँशुतोष रांका अनुसार नरेन्द्र मोदी नेतृत्वको सरकारले प्रदर्शनकारीहरूले उठाएका दुई मागहरू स्वीकार गर्न तयार भएको हो। ‘सरकारले नीट पेपर लिक प्रकरणबाट प्रभावित परिवारलाई क्षतिपूर्ति दिने र प्रदर्शनकारीमाथि कुनै कारबाही नगर्ने मागमा सैद्धान्तिक सहमति जनाएको छ,’ रांका एक्समार्फत बताएका छन्।

शुक्रबार दिल्लीको विट्ठल भाइ पटेल हाउसमा सीजेपीका प्रतिनिधिहरूसँग मोदी सरकारका मन्त्री जेपी नड्डा र जितेन्द्र सिंहले वार्ता गरेका थिए। वार्ताका क्रममा रांकाले जनताको असन्तुष्टिबारे पनि सरकारलाई जानकारी गराएका छन्। यस्तै, उनले शिक्षामन्त्री धमेन्द्र प्रधानले राजीनामा नदिएकासम्म भारतीय जनताको आक्रोश र असन्तुष्टि नथामिने कुरा स्पष्ट रूपमा बताएका छन् भनी सीजेपी प्रवक्ता रांकाले जानकारी दिएका छन्। समाचारअनुसार सरकारी वार्ता टोलीले शिक्षामन्त्री प्रधानको राजीनामाका विषयमा भोलिसम्म समय दिन आग्रह गरेको छ। सीजेपीका संस्थापक अभिजीत दीपकेले भारतीय सञ्चारमाध्यमसँग कुरा गर्दै यदि शिक्षामन्त्री प्रधानले राजीनामा दिएनन् भने प्रधानमन्त्री मोदीको राजीनामा मागिने चेतावनी दिएका छन्।