पूर्वकप्तान र विश्वकप विजेता जिनेदिन जिदान फ्रान्सेली राष्ट्रिय फुटबल टोलीको मुख्य प्रशिक्षकमा नियुक्त भएका छन्। जिदानले सन् २०३० को विश्वकप छनोटसम्मको लागि सम्झौता गरेका छन् भने उनको पहिलो खेल सेप्टेम्बर २५ मा टर्कीको विरुद्ध हुनेछ। फ्रान्सेली फुटबल महासंघले जिदानलाई जीवित किंवदन्तीको संज्ञा दिँदै उनको नेतृत्वमा टोलीले नयाँ इतिहास बनाउने विश्वास व्यक्त गरेको छ। १२ साउन, काठमाडौं।
सन् २०१८ मा फ्रान्सलाई विश्वकप जिताउने दिदिएर डेसच्याम्प्सले १४ वर्षसम्म टोलीको कप्तानी सम्हालेका थिए। तर, उनी फिफा विश्वकप २०२६ को सेमिफाइनलमा स्पेनसँग पराजित भएपछि पद छाडेका थिए। त्यसपछि फ्रान्सेली फुटबल महासंघ (एफएफएफ) ले नयाँ प्रशिक्षकको जिम्मेवारी जिनेदिन जिदानलाई दिएको हो। १९९८ मा फ्रान्सलाई पहिलो विश्वकप उपाधि दिलाउने नायक जिदान सन् २०२१ मा रियल मड्रिड छाडेपछि प्रशिक्षकको भूमिकाबाट टाढा थिए। ५४ वर्षे जिदानले सन् २०३० विश्वकप छनोटसम्म रहने ठहर गर्दै सम्झौता गरेका छन्।
नियुक्तिको पछाडि जिदानले फ्रान्सको राष्ट्रिय टोलीको प्रशिक्षक बन्न पाउनु आफ्नो लागि ठूलो गौरव र जिम्मेवारी भएको बताए। उनले फ्रान्सेली फुटबल महासंघले आफू प्रति गरेको विश्वासका लागि धन्यवाद दिँदै डेसच्याम्प्स र उनका प्रशिक्षक समूहको १४ वर्षे योगदानको प्रशंसा गरे। साथै आफ्ना सबै प्रशिक्षक साथीहरू प्रति सम्मान व्यक्त गर्दै राष्ट्रिय टोलीसँग उच्च महत्वाकांक्षा रहेको कुरा राखे।
फ्रान्सेली फुटबल महासंघका अध्यक्ष फिलिप डियालोले जिदानलाई फ्रान्सेको फुटबल जगतको ‘जीवित किंवदन्ती’ भन्दै उनको नेतृत्वले टोलीमा नयाँ ऊर्जा र प्रेरणा ल्याउने विश्वास व्यक्त गरे। डेसच्याम्प्सको नेतृत्वमा फ्रान्सले तीन प्रमुख प्रतियोगिताको फाइनल खेलेको थियो भने सन् २०१८ मा दोस्रो विश्वकप उपाधि जितिसकेको छ। विश्वकप २०२६ मा फ्रान्स चौथो स्थानमा सीमित भएको थियो। जिदानको प्रशिक्षणकालको पहिलो प्रतिस्पर्धात्मक खेल सेप्टेम्बर २५ मा यूईएफए नेसन्स लिगअन्तर्गत टर्कीविरुद्ध हुनेछ।
