दक्षिणपश्चिम जापानमा शक्तिशाली भूकम्प आउनासाथ एक शपिङ सेन्टरभित्र धेरै मानिसहरू फसेको अधिकारीहरूले जनाएका छन्। म्याग्नीट्युड ७.१ को भूकम्पपछि कुमामोतोमा रहेको इओन मलकममा विस्फोट भएको स्थानीय सञ्चार माध्यमहरूले उल्लेख गरेका छन्। आपत्कालीन सेवा कर्मचारीहरूले त्यहाँ “धेरै मानिसहरू” फसेको जानकारी दिएका छन्।
क्यूशू टापुको भित्री भागमा स्थानीय समय अनुसार दिउँसो ४:२७ बजे यो भूकम्प गएको थियो। त्यहाँ बसोबास गर्ने डेढ लाखभन्दा बढी मानिसहरूलाई सुरक्षित स्थानमा जान निर्देशन दिइएको छ। भूकम्प पछि सुनामीको अस्थायी चेतावनी जारी भएको थियो, तर एक घण्टाभित्रै त्यस्तो चेतावनी फिर्ता लिइयो। कुमामोतोको काशिमा नगरमा रहेको एउटा शपिङ कम्प्लेक्सको दोस्रो तल्ला भत्कँदा धेरै मानिसहरू फसेका छन्।
