अत्यधिक वर्षाका कारण समुद्रटार-त्रिशूली ३बी १३२ केभी प्रसारण लाइनको टावर नम्बर ४१ क्षतिग्रस्त भएको छ। टावरमा क्षति पुगेसँगै राष्ट्रिय ग्रिडमा जोडिएका दुई जलविद्युत आयोजनाहरूको विद्युत प्रवाहमा बाधा आएको नेपाल विद्युत् प्राधिकरणले जनाएको छ। प्राधिकरणले चौगाडा सबस्टेसनबाट वैकल्पिक व्यवस्था मिलाएर उपभोक्तालाई निरन्तर विद्युत् आपूर्ति गरिरहेको छ।
१३ साउन, काठमाडौं। अत्यधिक वर्षासँगै आएको पहिरोले समुद्रटार-त्रिशूली ३बी १३२ केभी प्रसारण लाइनको टावर नम्बर ४१ क्षतिग्रस्त भएको छ। टावर क्षतिग्रस्त भएपछि उक्त प्रसारण लाइन असरमा परेको छ। टावरलाई भएको क्षतिले सिँधै राष्ट्रिय ग्रिडमा जोडिएका ११ मेगावाट क्षमताको सूर्यकुण्ड हाइड्रोपावर र ५ मेगावाट क्षमताको बुद्धभूमि हाइड्रोपावरको विद्युत प्रवाहमा समस्या पुगेको नेपाल विद्युत् प्राधिकरणले जनाएको छ। यद्यपि, प्रसारण लाइनमा समस्या भए पनि उपभोक्तालाई विद्युत् आपूर्तिमा अवरोध नहुने प्राधिकरणले जनाएको छ। प्राविधिक टोलीले चौगाडा सबस्टेसनबाट वैकल्पिक व्यवस्था मिलाएर उपभोक्तालाई निरन्तर बिजुली आपूर्ति गरिरहेको छ। क्षतिग्रस्त टावरको मर्मत तथा सुदृढीकरणको काम चाँडै अघि बढाइने बताइएको छ।
