युक्रेनको खेअर्सन क्षेत्रमा रहेको क्षेत्रीय सैन्य प्रशासनले अगस्ट ४ मा सार्वजनिक गरेको भिडियोअनुसार, ड्रोनले त्यहाँको बजारमा तरकारी विक्रेता एक व्यक्तिलाई लखेटिरहेको दृश्य देखिन्छ। उक्त व्यक्ति ड्रोनबाट बच्न भागिरहेको देखिन्छ। केही समयपछि उक्त ड्रोन विस्फोट हुन्छ। विस्फोटपछि उक्त व्यक्ति घाइते भएको भए पनि उनको ज्यान बचेको छ, जसको जानकारी खेअर्सन सैन्य प्रशासनका प्रमुख यारोस्लाव शान्कोले टेलिग्राम मार्फत दिएका छन्। युक्रेनी अधिकारीहरूले यस घटनालाई रुसी सेनाले गरेको “लक्षित आक्रमण” भनिरहेका छन्। रुसले भने नागरिकहरूलाई लक्षित गरी योजनाबद्ध हमला गरेको आरोप पुनः खण्डन गर्दै अविरल रुपमा अस्विकार गर्दै आएको छ।
