नेपाली पौडी टोलीले २०औं एसियाली खेलकुदको तयारीका लागि भारतको बेंगलुरुमा एक महिनासम्म प्रशिक्षण लिने भएको छ। सात सदस्यीय टोलीमा पाँच खेलाडी रहेका छन् र टोली शनिबार भारत प्रस्थान गर्नेछ। राष्ट्रिय खेलकुद परिषद्को सदस्य–सचिव रामचरित्र मेहताले शुक्रबार टोलीलाई बिदाइ गरेका छन्।
खेलाडीमध्ये पुरुषतर्फ जाडेन श्रेष्ठ, अभिभ प्रधान र इर्भिन श्रेष्ठ रहेका छन् भने महिलातर्फ डुवाना लामा र आर्या महर्जन छन्। प्रशिक्षक रत्नलाल महर्जन छन् भने व्यवस्थापकको जिम्मेवारी शिरीष गुरुङले सम्हाल्नेछन्। २०औं एसियाली खेलकुद असोज ३ देखि सुरु हुनेछ।
