रूसी रक्षा मन्त्रालयले आफ्नो हवाई रक्षा बलहरूले रातभरि ८२२ युक्रेनी ड्रोनहरूलाई रोक्न र ध्वस्त पार्न सफल भएको दाबी गरेको छ। मन्त्रालयका अनुसार अगस्ट १५ देखि १६ को बिहानसम्म रूसी क्षेत्रमा साथै अजोभ र कालो सागरमाथि यी ड्रोनहरू नष्ट गरिएका हुन्। मस्को, कुर्स्क, क्रिमिया र बेल्गोरडसहितका विभिन्न रूसी क्षेत्रहरूमा हवाई रक्षा प्रणालीको यो कारबाही सफल भएको मन्त्रालयले जनाएको छ।
रूसी हवाई रक्षा प्रणालीले रातभर ८२२ युक्रेनी ड्रोनहरूलाई विफल पार्दै ध्वस्त पारिएको जनाएको छ। मन्त्रालयका अनुसार रूसी क्षेत्रहरू र अजोभ तथा कालो सागरमा यी ड्रोनहरू नष्ट गरिएका हुन्। मन्त्रालयका अनुसार रूसी हवाई रक्षा बलहरूले अगस्ट १५ तारिख मस्को समय अनुसार राति ८ बजेदेखि अगस्ट १६ तारिख बिहान ८ बजेसम्म ड्रोनहरूलाई नष्ट गरेका हुन्। मन्त्रालयले भनेको छ, “बेल्गोरड, ब्र्यान्स्क, भ्लादिमिर, भोल्गोग्राड, भोरोनेझ, कालुगा, कुर्स्क, लिपेट्स्क, निज्नी नोभगोरोड, ओर्योल, रोस्टोभ, रियाजान, ताम्बोभ र तुला क्षेत्रहरू, मस्को क्षेत्र, क्रास्नोडार क्षेत्र र क्रिमिया गणतन्त्रका साथै अजोभ र कालो सागरमाथि ८२२ वटा युक्रेनी फिक्स्ड-विङ मानवरहित हवाई सवारी साधनहरूलाई रोक्न र ध्वस्त पार्न सफल भएका छन्।”
